Barlyq ortalyqtarda jumys jasap jatqan úıirmeler men seksıalardyń jalpy sany  122-ni quraıdy.

Mundaı aqparatty Almaty qalasy Jastar saıasaty máseleleri jónindegi basqarmasynyń basshysy Shyńǵys Jumaǵalıuly Almaty qalasynyń Óńirlik komýnıkasıalar qyzmetinde ótken brıfıńte baıandady.

Basqarma basshysynyń aqparatynsha, qazirgi tańda Almaty qalasynda jastarǵa áleýmettik, mádenı, rýhanı jáne fızıkalyq damýyna úlken úles qosatyn Memlekettik jastar saıasatyn damytý Qory qyzmet atqarýda. Almaty q.  MJSDQ qabyrǵasynda jastar men jasóspirim balalarǵa 40 bos ýaqytyn tıimdi ótkizý ortalyǵy, jumys atqarady. Tegin túrde qyzmet atqaratyn úıirmeler men seksıalarda búgingi kúni 5000-ǵa jýyq adam qatysýda. Atalmysh ortalyqtar Almaty qalasynyń 8 aýdanynda ornalasqan: Almaly aýdanynda 7 ortalyq, Bostandyqta 2, Jetisý aýdanynda 4, Medeý aýdanynda 5 ortalyq jáne Túrksib aýdanynda 8 ortalyq bolsa, al, Naýryzbaı aýdanynda 2 ortalyq bar.  

Barlyq ortalyqtarda jumys jasap jatqan úıirmeler men seksıalardyń jalpy sany – 122-ni quraıdy. Osy aıtylǵan úıirmeler men seksıalarǵa 7 men 29 arasyndaǵy balalar men jastar qatysady. Seksıalar men úıirmelerdiń jumys jasaý aýmaǵy 5000 adamdy qamtıdy,-dep aıtyp ótti ol óz sózinde.

Budan bólek, bos ýaqytty tıimdi paıdalaný ortalyqtarynda jastardy jáne jasóspirimderdi áleýmettik, mádenı, rýhanı damytý jolynda belsendi jumystar atqarylýda. Sonymen qatar,  Qazaqstannyń jańa patrıottaryn daıyndaýda, salaýatty ómir saltyn ustanýǵa propaganda jasaýda, sýısıd jáne nashaqorlyq aldyn alý boıynsha, sondaı-aq, «Rýhanı Jańǵyrý» baǵdarlamalyq maqalasyn júzege asyrý boıynsha bolashaqta da biraz ister qarastyrý kózdelýde.

Ósip keler jas urpaqtyń fızıkalyq damýy úshin  Almaty qalasynyń jastar saıasaty Memlekettik damý qorynyń barlyq bos ýaqytyn utymdy paıdalaný ortalyqtarynda 945 ishkiklýbtyq sharalar uıymdastyrylyp, bas-aıaǵy 35 056 adamdy qamtydy,-dep aıtyp ótti Shyńǵys Jumaǵalıuly óz sózinde.